رسايل "مقاطعة"..
لكن لازم تكون "بايعها"
يعني ماوراها "رجعة"..
لا تتصل ماني على الصـوت شفقـان..
وفـر كلافـة عنـوتـك واتصـالـك
اللي زعل يبقى على طـول زعـلان..
ومشكور ما قصـرت يكفـي سؤالـك
ما مشي ورى المقفي لو كـان ما كـان
اعز نفسي صـوب رغبـة وصالـك
صحيح أحبـك مولعـاً فيـك هيمـان
وصوتـك يسافر بـي لا عالـم خيالـك
لكن حبـي لـك لـه أربع أركـان..
من دونهـا عنـدي قصيرة حبالـك
عزي ؟ وفهمك ؟ كلمتي ؟ وزود تحنان..
وأيضا الوفا ؟ وأبشر بقلبـي وفالـك
وأنكـان ناويهـا صـدوداً وهجـران..
لابـوك لابـو الحـب لابـوجمالـك
،،،،،،،،،،،،،،،،،
راسك علامك رافعه يوم احاكيك...
الظاهر اني فوق حجمك عطيتك
لحظه .. نبي نرجع دقيقه لماضيك...
بذكرك في أي حاله لقيتــــــــك
كان الضياع ودمعتينك تخاويك...
منهار وفي عز انهيارك خذيتك
وارخصت عمري لجل احبك وأداريك...
هدمت قصر الذل فيك وبنيتـــــــك
كان الغلا شمعه تنور لياليك...
ولو أظلمت دنياك جيت وضويتك
يالاسف كنت أمدحك وافتخر فيك...
رفعت من شانك وعليت صيتك
كنت أنت .. عندي غير ومقدر أخليك...
وأموت واحيا ان قلت سم وفديتك
واليوم أشوفك خنت حتى مباديك...
صغرت في عيني وانأ اللي هويتك
الضيف لو انه عدوٍ معاديك...
غصب عليك تقدره وسط بيتك
ياصاحبي بتموت ماني براجيك...
واشره علي ان كان حتى طريتك
اضحك حبيبي دام وقتك مسليك...
باجر تموت من القهر لا نسيتك ..
،،،،،،،،،،،،،،،،،،
أتمنى تعجبكم .. بانتظار ردودكم..؟؟
موضوع: رسايل مقاطعة 
الإثنين فبراير 25, 2008 4:36 am
